ឃុំខ្លួនស្ត្រីជាមេតុងទីនម្នាក់ពីបទ\"ឆបោក\" លុយជាង២០ម៉ឺនដុល្លារ
02-June-2016 | ដោយ មែន កំសត់
ខេត្តសៀមរាប៖ ចៅក្រមស៊ើបសួរ នៃសាលាដំបូងខេត្តសៀមរាប កាលពីព្រឹកថ្ងៃទី៣១ ខែឧសភា ឆ្នាំ២០១៦នេះ បានសម្រេចឃុំខ្លួនស្ត្រីជាមេតុងទីនម្នាក់ ពីបទ"ឆបោក" លុយជាង២០ម៉ឺនដុល្លារ និង បានបញ្ជូនទៅឃុំខ្លួនជាបណ្ដោះអាសន្ននៅក្នុងពន្ធនាការខេត្ត។
លោកវរសេនីយ៍ត្រី ស៊ាន ថ្លា នាយរងការិយាល័យនគរបាលព្រហ្មទណ្ឌកំរិតស្រាលនៃស្នងការខេត្តបាន ប្រាប់ឲ្យដឹងថា ជនត្រូវចោទរូបនេះ មានឈ្មោះ អាំង គឹមហ៊ន់ ភេទស្រី អាយុ៣២ឆ្នាំ មានទីលំនៅភូមិគ្រួស សង្កាត់ស្វាយដង្គុំ ក្រុងសៀមរាប។
ជនជាប់ចោទរូបនេះ ត្រូវបានចាប់ខ្លួនតាមពាក្យបណ្ដឹងរបស់ជនរងគ្រោះឈ្មោះ យ៉ុន យ៉ាន ភេទប្រុស អាយុ៤៥ឆ្នាំ ជាអ្នកតំណាងឲ្យដើមបណ្តឹង កាលពីថ្ងៃទី២៨ ខែឧសភា ឆ្នាំ២០១៦ ពាក់ព័ន្ធនឹង ករណីឆបោកលុយជាង២០ម៉ឺនដុល្លារ តាមរូបភាពលេងតុងទីន នៅក្នុងខេត្តសៀមរាប៕
ចំនួនអ្នកទស្សនា
- ថ្ងៃនេះ1921
- ម្សិលមិញ14181
- សប្តាហ៍នេះ1921
- ខែនេះ117071
- ឆ្នាំនេះ117071
- សរុប20559527